Notas de prensa: Concertos do VI Curso Soncello en Tele Mariñas

A web de Tele Mariñas, medio de comunicación local de Nigrán, fíxose eco dos concertos organizados no marco do VI Curso Soncello.

Podes ler o artigo completo aquí:

Nigrán ofrece tres concertos co violonchelo como protagonista

Resumo do artigo:

A nova destaca os tres concertos que teñen lugar en distintos espazos de Nigrán, co violonchelo como protagonista. Participan tanto o alumnado coma o profesorado do curso, en formacións que van desde dúos ata un ensemble completo de violonchelos. O Concello de Nigrán colabora activamente na realización destes concertos, todos eles con entrada de balde.

Unha novidade importante desta edición é a participación como profesora convidada da violonchelista Natalie Haas, referente internacional na escena do folk contemporáneo. O seu traballo foi fundamental na integración do violonchelo en tradicións como a música escocesa e celta, achegando unha visión rítmica, expresiva e actualizada do instrumento dentro dos estilos tradicionais.

Último concerto do curso

Os dous primeiros concertos xa tiveron lugar, pero aínda estades a tempo de asistir ao concerto de clausura:

• Data: Xoves 17 de Xullo ás 21:00

• Lugar: Auditorio de Nigrán

A entrada é libre ata completar aforo. Agardámosvos.